MANYUALE GO FIHLELLA TSHEDIMOŠO YEO E SWERWEGO KE BIRO YA AFRIKA BORWA YA DITEKANYETŠO (SABS) LE DIKHAMPHANI TŠE DI KA TLASEGO GA YONA: Dirulagantšwe go ya ka Molao wa Kgodišo ya Phihlelelo ya Tshedimošo, No.2 ya 2000 (PAIA) e balwa le Molawana 4 (1) (c) Molao wa Tšhireletšo ya Boitsebišo ya Botho, 4 wa 2013 (POPIA)

LENANEO LA DITENG

1. SETLOGO LE MEŠOMO YA SABS
2. SEBOPEGO SA SABS
3. MOHLANKEDI WA TSHEDIMOŠO LE MOTLATŠI WA MOHLANKEDI WA TSHEDIMOŠO
4. HLAHLO YA KA MOO PAIA E KA ŠOMIŠWAGO
5. PHIHLELELO YA DIREKHOTO TŠEO DI SWERWEGO KE SABS
6. TSHEPEDIŠO YA KGOPELO
7. DITEFELO TŠEO DI LAETŠWEGO DIKOKOLO
8. DIPHEKO TŠA MOLAO
9. KGATIŠO LE HLAHLOBO YA MANYUALE
10. MAMETLELELO YA 1
11. FOROMO YA A
12. FOROMO YA B
13. FOROMO YA C

1. SETLOGO LE MEŠOMO YA SABS

   1. Biro ya Ditekanyetšo ya Afrika Borwa (SABS) ke setho sa molao seo se hlomilwego ke karolo ya 2 ya Molao wa Ditekanyetšo, 1945 (Molao wa Nomoro ya 24 1945) gomme e tšwela pele go ba gona go ya ka karolo ya 3 ya Molao wa Ditekanyetšo, 2008 (Molao wa Nomoro ya 8 wa 2018). Maikemišetšo a SABS ke go:
      1. go hlabolla, go tšweletša pele le go hlokomela Ditekanyetšo tša Bosetšhaba tša Afrika Borwa (SANS);
      2. go tšwetša pele boleng mabapi le dithoto, ditšweletšwa le ditirelo; le
      3. go fa ditirelo tša go lekola go dumelelana le merero yeo e tswalanago le tšona.
   2. SABS e lemogwa bjalo ka setheo sa maemo a godimo sa bosetšhaba seo se nago le maikarabelo a hlabollo, hlokomelo le tšwetšopele ya Ditekanyetšo Bosetšhaba tša Afrika Borwa (SANS). Go tsebja mo go theilwe godimo ga kwešišo ya maemo a thekgo ya phaphošikgwebo, ka go lebiša hlokomelo go ditšweletšwa tša boleng le ditirelo, le hlokego ya go netefatša maphelo le polokego ya setšhaba. SABS e na le, go ya ka Karolo ya 5 (5) ya Molao Nomoro ya 8 wa 2008, e hlomile khampani ya ka tlase go yona (SABS Commercial SOC Ltd) go dira mošomo wa ditirelo tša tekolo ya go dumelelana.
   3. Ka fao, SABS (le khamphani ye ka tlase ga yona) e na le tshedimošo e ntšhi yeo e kgobokeditšwego ka go tsela ya tlwaelo ya kgwebo ya yona. Tshedimošo ye e ka ba ya kgahlego go beng le seabe ba SABS le setšhaba ka kakaretšo. Ka gona, manyuale wo o reretšwe go nolofatša dikgopelo tša tshedimošo tšeo di dirilwego go ya ka Molao wa Tšwetšopele ya Phihlelelo ya Tshedimošo, 2000 (Molao wa Nomoro ya 2 wa 2000) (“PAIA”), le go nolofatša ditaba tšeo di beilwego ka go Molao wa Tšhireletšo ya Tshedimošo ya Motho, 2013 (Molao wa Nomoro ya 4 wa 2013) (“POPIA”). Go fihlelela se, manyuale wo o hlaloša:
      1. sebopego le mešomo ya SABS;
      2. dinhla tša kgokagano tša mohlankedi wa tshedimošo;
      3. tshepedišo le dinhla tše dingwe tša go swana le tšeo, go nolofatša dikgopelo tšeo di dirilwego go ya ka PAIA, tša phihlelelo ya tshedimošo yeo e swerwego ke SABS.
   4. Go swanetše go lemogwa gape gore Mohlankedi wa Tshedimošo wa SABS goba Motlatša Mohlankedi wa Tshedimošo a ka gana goba o swanetše, ka tlase ga mabaka a itšego le go ya ka mabaka a go gana ao a beilwego ka go PAIA, a ganetše mokgopedi phihlelelo ya tshedimošo goba direkoto tšeo di swerwego ke SABS.
   5. SABS e beakantše direkoto tša yona ka go dikantorokgolo (Pretoria) gore e kgone go e šala morago, e arabe dikgopelo ka gare ga dinako tšeo di beilwego ke PAIA le go arabela ka nako go dikgopelo tše dingwe tšeo di dirilwego ke motho yo a nago le kgahlego. Se se sepelelana le setšo sa SABS sa ponagatšo, potego le boikarabelo go bakgathatema ba yona.

2. SEBOPEGO SA SABS

   1. Boto ya SABS e hlomilwe go ya ka karolo ya 6 ya Molao wa Nomoro ya 8 wa 2008. Boto e na le maloko ao a sego ka tlase ga a šupago (7) le ao a sego ka godimo ga a senyane (9), ao go ona o tee e lego Mohlankediphethiši wa SABS ka lebaka la maemo a gagwe gomme ba bangwe ka moka ba kgethwa bjalo ka maloko a Boto ke Tona ya Kgwebišano le Intaseteri.
   2. SABS e na le dikantorokgolo ka Pretoria le dikantoro tša dilete ka Kapa Bodikela-Motse Kapa, KwaZulu Natal-Durban, Kapa Bohlabela-Port Elizabeth, le Kapa Bohlabela-East London.
   3. Seswantšho sa sebopego sa SABS se kgomagantšwe mo bjalo ka Kgoketšo 1.

3. MOHLANKEDI WA TSHEDIMOŠO LE MOTLATŠA MOHLANKEDI WA TSHEDIMOŠO

   1. Mohlankedi wa Tshedimošo wa SABS ke Mohlankediphethiši wa yona wa Motšwa-o-swere, Mna Lizo Makele le motho yo a bego a boledišana le yena ditaba ka botlalo di hlalošitšwe ka tlase: Mna Lizo Makele
      Mohlankediphethiši wa motšwa-o-swere
      Mogala: +27 12 428 6344
      Aterese ya imeile: lizo.makele@sabs.co.za
      Aterese ya kgwebo: 1 Dr Lategan Road Groenkloof, Pretoria
      Aterese ya poso: Private Bag X191 Pretoria 0001
   2. SABS, go ya ka karolo ya 17 (1) ya PAIA yeo e balwago le karolo ya 56 ya POPIA, e kgethile batho ba ba latelago bjalo ka Batlatši ba Bahlankedi ba Tshedimošo: Mna Joseph Leotlela
      Hlogo: Kotsi ya go se obamele molao le Ditirelo tša Semolao
      Mogala: (012) 428 6242
      Aterese ya imeile: Joseph.Leotlela@sabs.co.za
      Aterese ya kgwebo: 1 Dr Lategan Road Groenkloof, Pretoria
      Aterese ya poso: Private Bag X191 Pretoria 0001
      
      Mdi Thami Batyashe
      Hlogo: ITC le Taolo ya Tsebo
      Mogala: (012) 428 6890
      Aterese ya imeile: Thami.Batyashe@sabs.co.za
      Aterese ya kgwebo: 1 Dr Lategan Road Groenkloof, Pretoria
      Aterese ya poso: Private Bag X191 Pretoria 0001
      
      Mna Darrin Lee
      Molaodi: Taolo ya Mokitlana
      Mogala: (012) 428 6132
      Aterese ya imeile: Darrin.Lee@sabs.co.za
      Aterese ya kgwebo: 1 Dr Lategan Road Groenkloof, Pretoria
      Aterese ya poso: Private Bag X191 Pretoria 0001
      
      Mna Chris Coetzee
      Molaodi: Molaodi wa Tšhireletšo
      Mogala: (012) 428 6805
      Aterese ya imeile: Chris.Coetzee@sabs.co.za
      Aterese ya kgwebo: 1 Dr Lategan Road Groenkloof, Pretoria
      Aterese ya poso: Private Bag X191 Pretoria 0001
      
      Mdi Zandile Skhosana
      Molaodi: Ditirelo tša Ditsebi
      Mogala: (012) 428 6787
      Aterese ya imeile: Zandile.Skhosana@sabs.co.za
      Aterese ya kgwebo: 1 Dr Lategan Road Groenkloof, Pretoria
      Aterese ya poso: Private Bag X191 Pretoria 0001
      
      Mdi Caroline Tshabalala
      Mohlankedi wa Taolo ya Methopo ya Batho
      Mogala: (012) 428 6710
      Aterese ya imeile: Caroline.Tshabalala@sabs.co.za
      Aterese ya kgwebo: 1 Dr Lategan Road Groenkloof, Pretoria
      Aterese ya poso: Private Bag X191 Pretoria 0001
   3. Mohlankedi wa Tshedimošo, go ya ka karolo ya 17 (3) ya PAIA yeo e balwago karolo ya 56 ya POPIA e gafetše maatla a go fapafapana le mešomo go Batlatša Bahlankedi ba Tshedimošo.
   4. Dikgopelo ka moka tša tshedimošo ka fase ga PAIA di swanetše go romelwa gomme di tla fiwa šedi ke Motlatša-Mohlankedi wa Tshedimošo, ka tsela yeo e sepelelanago le PAIA le tshepetšo yeo e beilwego ka tlase.

4. HLAHLO YA KAMOO O KA ŠOMIŠAGO PAIA LE KAMOO O KA HWETŠA PHIHLELELO GO HLAHLO

   1. Molaodi wa Tshedimošo, go ya ka karolo 10 (1) ya PAIA, o mpshafaditše le go dira gore Hlahlo yeo e boeleditšwego e hwetšagale ya ka moo (‘’Hlahlo’’) ya PAIA e dirišwago ka gona, ka sebopego le ka mokgwa wo o kwešišegago ga bonolo, bjalo ka ge e ka nyaka ke motho yo a nyakago go diriša tokelo efe goba efe yeo e akantšwego ka go PAIA le POPIA.
   2. Hlahlo e hwetšagala ka leleme le lengwe le lengwe la semmušo.
   3. aterese ya poso le ya mmila, nomoro ya mogala le ya fekese, le ge e le gore e gona, aterese ya imeile ya-
      1. merero ya PAIA le POPIA;
      2. aterese ya poso le ya mmila, nomoro ya mogala le ya fekese, le ge e le gore e gona, aterese ya imeile ya-
         1. Mohlankedi wa tshedimošo wa setho se sengwe le se sengwe sa setšhaba, le
         2. Motlatša-Mohlankedi yo mongwe le yo mongwe wa tshedimošo wa setho se sengwe le se sengwe sa setšhaba le sa praebete seo se kgethilwego go ya ka karolo 17 (1) ya PAIA le karolo 56 ya POPIA.
      3. mokgwa le sebopego sa kgopelo ya-
         1. phihlelelo ya rekoto ya setho sa setšhaba yeo e akantšwego ka go karolo 11, le
         2. phihlelelo ya rekoto ya setho sa praebete yeo e akantšwego ka go karolo 50.
      4. thušo yeo e hwetšagalago go tšwa go Mohlankedi wa Tshedimošo wa setho sa setšhaba go ya ka PAIA le POPIA;
      5. thušo yeo e hwetšagalago go tšwa go Molaodi go ya ka PAIA le POPIA;
      6. ditshepedišo kamoka tša molao tšeo di lego gona mabapi le tiro goba go palelwa ke go šoma mabapi le tokelo goba mošomo wo o filwego goba wo o beilwego ke PAIA le POPIA, go akaretšwa mokgwa wa go tliša –
         1. boipiletšo bja ka gare;
         2. ngongorego go Molaodi; le
         3. kgopelo go kgorotsheko kgahlanong le sephetho sa Mohlankedi wa Tshedimošo wa setho sa setšhaba, sephetho sa boipiletšo bja ka gare goba sephetho sa Molaodi goba sephetho sa hlogo ya setho sa praebete.
      7. dipeakanyetšo tša dikarolo 14 le 51 tšeo di nyakago gore setho sa setšhaba le setho sa praebete le setho sa praebete, ka go latelana, di kgoboketše pukwana ya hlahlo, le ka moo pukwana ya hlahlo e ka hwetšwago ka gona;
      8. dipeakanyetšo tša dikarolo 15 le 52 tšeo di beago go utollwa ga dihlopha tša direkoto ke setho sa setšhaba le setho sa praebete, ka go latelana.
      9. ditsebišo tšeo di filwego go ya ka dikarolo 22 le 54 mabapi le ditefelo tšeo di swanetšego go lefelwa mabapi le dikgopelo tša phihlelelo; le
      10. melawana yeo e dirilwego go ya ka karolo ya 92.
   4. Maloko a setšhaba a ka hlahloba goba a dira dikopi tša hlahlo go tšwa dikantorong tša ditheo tša setšhaba goba tša praebete, go akaretša le kantoro ya Molaodi, nakong ya diiri tša mošomo tše di tlwaelegilego. Hlahlo e ka hwetšwa gape –
      1. ka kgopelo go mohlankedi wa tshedimošo;
      2. go tšwa go websaete ya Molaodi.
   5. Dinhla tša go ikgokaganya le Molaodi wa Tshedimošo ke tše di latelago:

      JD House, 27 Stiemens Street
      Braamfontein
      Johannesburg
      2001

      Aterese ya poso: P.O. Box 31533
      Braamfontein
      Johannesburg
      2017

      Mogala: 010 023 5200

      Websaete: www.inforegulator.org.za

5. PHIHLELO YA DIREKHOTO TŠEO DI SWERWEGO KE SABS

   Dikarolo tša direkhoto tšeo di hwetšagalago ka go itiriša go SABS

   1. Tshedimošo ka moka yeo e hwetšagalago go websaete ya SABS e utollwa ka boithatelo. Se se akaretša:
      1. Dipego tša ngwaga le ngwaga tša SABS;
      2. Dipego tša ngwaga ka ngwaga tša ditšhelete;
      3. Pego ya Mohlahlobikakaretšo;
      4. Bogolo bja Mošomo bja TC;
      5. Bareki ba Netefatšo ya Tshepedišo; le
      6. Ditekanyetšo tša go rekiša.
   2. Dikgatišo tša SABS tšeo di tlago go utollwa ka boithaopo ke:
      1. Dipukwana;
      2. Dipampišana tša go bapatša
      3. Dipostara; le
      4. Lengwalo la Ditaba.

   Magoro a direkoto ao a hwetšagalago ka go itiriša mabapi le hlahlobo go ya ka melao ye mengwe.

   1. Mokgopedi a ka kgopela gape phihlelelo ya direkoto tšeo di lego gona go ka hlahloba go ya ka melao ya go fapana le PAIA, go swana le tše di latelago:
      1. Molao wa Maemo a Motheo a Mošomo, 1997 (Molao wa Nomoro ya 75 wa 1997);
      2. Molao wa Dikhamphani, 2008 (Molao wa Nomoro ya 71 wa 2008);
      3. Molao wa Phumolameokgo ya Dikgobalo tša Mošomong le Malwetši a tša Maphelo, 1993 (Molao No. 130 ya 1993);
      4. Molao wa tokelo ya go ngwalolla, Molao No. 1978 (Molao wa 98 wa 1978);
      5. Molao wa go se kgone go lefa wa 1936 (Molao wa Nomoro ya 24 wa 1936);
      6. Molao wa Diphetogo tša Melao ya Thoto ya Kelello, 1997 (Molao wa Nomoro ya 38 wa 1997);
      7. Molao wa Dikamano tša Mošomo, 1995 (Molao wa Nomoro ya 66 wa 1995);
      8. Molao wa Maphelo le Polokego Mošomong, 1993 (Molao wa Nomoro ya 85 wa 1993);
      9. Molao wa sekhwama sa Phenšene, 1956 (Molao wa Nomoro ya 24 wa 1956);
      10. Molao wa Hlabollo ya Bokgoni, 1998 (Molao wa Nomoro ya 97 wa 1998);
      11. Molao wa Ditefelo tša Hlabollo ya Bokgoni, 1999 (Molao wa Nomoro ya 9 wa 1999);
      12. Molao wa Bolaodi bja Mangwalo a Thuto bja Afrika Borwa, 1995 (Molao wa Nomoro ya 58 wa 1995);
      13. Molao wa Maswao a Kgwebo, 1993 (Molao wa Nomoro ya 194 wa 1993);
      14. Molao wa Inšorense ya go se Thwalwe wa 2001 (Molao wa Nomoro ya 63 wa 2001);
      15. Molao wa Motšhelo wa Boleng bjo bo Oketšegilego, 1991 (Molao wa Nomoro ya 89 wa 1991);
      16. Molao wa Diakhaebe tša Setšhaba tša Afrika Borwa, 1996 (Molao wa Nomoro ya 43 wa 1996); le
      17. Molao wa Tšhireletšo ya Tshedimošo ya Motho, 2013 (Molao wa Nomoro ya 04 wa 2013).
   2. Go hwetša tshedimošo goba direkoto tšeo di boletšwego ka go ditemana tša 5.1 go ya go 5.3 ka mo godimo, ka kgopelo etela websaete ya SABS’ go www.sabs.co.za goba o romele kgopelo ya elektroniki go Motlatša-Mohlankedi wa Tshedimošo (Mna Joseph Leotlela) go: Joseph.Leotlela@sabs.co.za goba mo leletše mogala go 012 428 6242.

   Magoro a direkoto ao a swanetšego go kgopelwa ka tlase ga PAIA le POPIA

   1. Dikgopelo tša tshedimošo goba direkoto tšeo di boletšwego ka mo tlase di swanetše go romelwa go Motlatša-Mohlankedi wa Tshedimošo go ya ka tshepedišo yeo e beilwego ka go temana ya 6 ka mo tlase.
      1. Tshedimošo ya go šoma le ditumelelano tše di amanago le dihlopha tše di latelago:
         1. Ditokomane tšeo di amanago le dipholisi tša SABS, maikemišetšo le pušo;
         2. Dikwano tša kgwebo ya mohlakanelwa le motho ofe goba ofe, go akaretšwa Mmušo goba ditho tša mmušo;
         3. Ditumelelano tša khirišo, ditokomane tša thoto, dibonto tša kadimo ya ntlo le dibonto tša mohlankedi wa setšhaba yoo a kgonthišetšago go nepagala ga dingwalwa le ya dithoto tše di šuthišwago le ya go se šuthe; le
         4. Direkoto tša khamphani tše di amanago le dikhamphani tše di hlomilwego ke SABS goba ka tirišano le badirišani ba bangwe ba kgwebo.
      2. Ditšhelete le direkoto tša go balwa ga ditšhelete ka ntle le direkoto tšeo di ka bago di phatlalatšwa di hwetšagala phatlalatša ka gare ga dipego tša ngwaga tša SABS.
      3. Direkoto tša Batho tše di amanago le dihlopha tše di latelago:
         1. Melawana le ditshepedišo;
         2. Difaele tša bašomi;
         3. Dikontraka, maemo a tirelo le ditumelelano tše dingwe tšeo di akaretšago bašomi ba SABS;
         4. Direkoto tša semolao tša bašomi;
         5. Tshedimošo ya Sekhwama sa Phenšene; le
         6. Direkoto tša lenaneo la tša kalafo.
      4. Dikgopelo tša Tirelo, Dipego tša Teko, Ditokomane tša Mothopo, Nyakišišo, Tshedimošo ya Theknolotši le Thekgo tšeo di amanago le mafelo a tirelo a latelago:
         1. Dijo le maphelo;
         2. Dikhemikhale;
         3. Tša metšhene le tša ditlabakelo;
         4. Dinamelwa;
         5. Thekniki ya mohlagase;
         6. Meepo le diminerale.
      5. Tshedimošo ka ga thoto ya monagano:
         1. Maswao a kgwebo a SABS;
         2. Ditokelo tša bongwadi tša SABS.

6. TSHEPEDIŠO YA KGOPELO

   Go romela kgopelo

   1. Dikgopelo ka moka tša tshedimošo goba direkoto ka tlase ga PAIA di swanetše go sepelelana le dinyakwa tše di latelago:
      1. kgopelo e swanetše go dirwa ka foromo ya kgopelo (Foromo ya A) yeo e lego mo;
      2. foromo ya kgopelo yeo e tladitšwego ka botlalo e swanetše go romelwa ka elektroniki goba e išwe ka seatla go Motlatša-Mohlankedi wa Tshedimošo. Dinhla tša go kgokaganya le Motlatša-Mohlankedi wa Tshedimošo di beilwe ka go temana ya 3.2 ka godimo;
      3. bohlatse bja maemo ao mokgopedi a dirago kgopelo ka wona, ge kgopelo e dirwa legatong la motho yo mongwe, bo swanetše go sepela le kgopelo; le
      4. Bohlatse bja tefo ya kgopelo (R100.00) bo swanetše go sepela le kgopelo. Ditefelo di ka dirwa go Akhaonte ya Panka ye e latelago:
         PANKA: ABSA
         LEINA LA AKHAUNTO: SOUTH AFRICAN BUREAU OF STANDARDS
         NOMORO YA AKHAUNTO: 1500000305
         KHOUTU YA LEKALA: 632005

   Ditefelo tša kgopelo le tša Phihlelelo

   1. Kgopelo le tefo ya phihlelelo di swanetše go lefelwa ke mokgopedi akhaonteng ya panka ya SABS.

   Go ba gona ga kgopelo ke Motlatša-Mohlankedi wa Tshedimošo

   1. Motlatša-Mohlankedi wa Tshedimošo o tla fa thušo ya maleba go mokgopedi go ya ka moo go ka nyakegago go kgontšha mokgopedi go obamela tshepedišo ya kgopelo yeo e beilwego ka go temana ya 6.1 ka godimo.
   2. Motlatša-Mohlankedi wa Tshedimošo gape o tla nea thušo go bakgopedi bao ba sa kgonego go bala goba go ngwala. Motho yo mongwe le yo mongwe yo a bjalo a ka dira kgopelo ka molomo go Motlatša-Mohlankedi wa Tshedimošo, yo a swanetšego go tlatša foromo ya kgopelo bakeng sa mokgopedi yo a boletšwego.
   3. Ka ntle le ge Motlatša-Mohlankedi wa Tshedimošo a swanetše go dira bjalo gomme a dirišitše dipeakanyetšo tša PAIA mabapi le tsebišo ya motho wa boraro le tsenogare goba a katološitše nako yeo ka yona a swanetšego go tšea sephetho ka kgopelo, o tla tšea sephetho ka pela ka moo go kgonegago, eupša lebakeng le lengwe le le lengwe mo matšatšing a masometharo (30) ka morago ga go amogela kgopelo, gore a dumelele kgopelo goba aowa.
   4. Mo matšatšing a masometharo (30) ao go boletšwego ka ona ka go temana ya 6.5 ka godimo goba lebaka leo le katološitšwego go ya ka moo go ka bago ka gona, Motlatša-Mohlankedi wa Tshedimošo o tla:
      1. kgoboketša le go šetša tshedimošo goba rekoto yeo e kgopetšwego;
      2. go rerišana le dikarolo tša maleba tša SABS go ya ka moo go ka bago go nyakega le ka moo go nyakegago go tšea sephetho mabapi le kgopelo yeo e lego ka tlase ga tebelelo;
      3. kgopela thušo efe goba efe yeo e ka bago e nyakega go tšea sephetho seo se theilwego godimo ga tshedimošo mabapi le kgopelo yeo e lego ka tlase ga hlahlobo;
      4. ge kgopelo e dumeletšwe, tsebiša mokgopedi ka go ngwala:
         1. sephetho sa go mo fa phihlelelo go rekoto yeo e kgopetšwego; le
         2. tefo ya phihlelelo yeo e lefelwago SABS ke mokgopedi go hwetša rekoto yeo e nyakwago. Ge fela bohlatse bja tefelo ya tefelo ya phihlelelo bo amogetšwe ke SABS, Motlatša-Mohlankedi wa Tshedimošo o tla fa tshedimošo go mokgopedi; le
      5. ge kgopelo e gannwe, tsebiša mokgopedi ka sephetho sa go gana kgopelo ka go ngwala gomme a fe mabaka a sephetho seo.
   5. Ka tsebišo ye e ngwadilwego go mokgopedi, Motlatša-Mohlankedi wa Tshedimošo a ka:
      1. go katološa lebaka la matšatši a masometharo (30) leo ka lona go swanetšego go tšewa sephetho mabapi le kgopelo (ka morago go bitšwa “lebaka la mathomo”) ka lebaka le lengwe la matšatši ao a sa fetego a masometharo (30) ge e le gore:
      2. Kgopelo ke ya palo ye kgolo ya direkoto goba e nyaka go nyakišiša ka palo ye kgolo ya direkoto tša SABS, gomme go obamela nako ya mathomo go tla šitiša mediro ya SABS go sa nyakege;
      3. Kgopelo e nyaka nyakišišo ya direkoto ka, goba kgoboketšo ya tšona go tšwa go, Kantoro ya SABS yeo e sego ka Pretoria, e lego toropo yeo Motlatša-Mohlankedi wa Kgoro ya Tshedimošo a lego ka go yona, gomme nyakišišo e ka se phethwe ka nako yeo e beilwego;
      4. therišano gare ga dikarolwana tša SABS goba le mokgahlo wo mongwe wa setšhaba e a nyakega goba e a kganyogega gore go tšewe sephetho ka ga kgopelo gomme therišano yeo e ka se phethwe ka mo go kwagalago mo nakong ya mathomo; goba
      5. mokgopedi o dumelelane le seo ka go ngwala.

   Kgopelo ya tshedimošo ka tlase ga POPIA

   1. “Taba ya tshedimošo ye e kgobokeditšwego” bjalo ka ge go akantšwe ka go Karolo 1 ya POPIA o na le tokelo, ka morago ga go fa bohlatse bjo bo lekanego bja boitsebišo, go kgopela SABS go tiišetša, ntle le tefo, ge e le gore SABS e swere tshedimošo ya motho yo a amegago le go kgopela go SABS rekoto goba hlalošo ya tshedimošo ya motho yo a amegago yeo e swerwego ke SABS.
   2. Kgopelo yeo e akantšwego ka go 6.8 ka godimo e ka akaretša kgopelo ya tshedimošo ka ga boitsebišo bja batho ka moka ba boraro, goba dihlopha tša batho ba boraro, bao ba nago le phihlelelo goba ba bilego le phihlelelo ya tshedimošo.
   3. SABS e tla araba kgopelo yeo e akantšwego ka go 6.8 le/goba 6.9 ka godimo ka nako yeo e kwagalago; ka tsela le sebopego seo se kwagalago; ka sebopego seo se kwešišegago ka kakaretšo. SABS e ka nyaka tefo gore e kgone go araba kgopelo yeo e akantšwego ka go 5.7 ka godimo, mo lebakeng le, tefo yeo e akantšwego e swanetše go tsebišwa mokgopedi ka go ngwala. SABS e ka nyaka gore mokgopedi a lefe peeletšo goba karolo ya tefelo yeo e akantšwego.
   4. Motho yo a nago le Tshedimošo ye kgobokeditšwego a ka kgopela SABS go phošolla, go phumola goba go senya rekoto ya tshedimošo ya motho ka ga motho yo a nago le Tshedimošo ye kgobokeditšwego goba ka fase ga taolo ya gagwe ka fase ga mabaka ao a filwego go karolo ya 24 ya POPIA. Kgopelo yeo e hlalošitšwego go karolo ya 24 ya POPIA e swanetše go dirwa go Foromo ya B, yeo e kgomareditšwego mo.
   5. Motho yo a nago le Tshedimošo ye kgobokeditšwego a ka ganetša, nako efe goba efe, go dirišwa ga tshedimošo ya gagwe ya motho bjalo ka ge go hlalošitšwe go karolo ya 11(3) (a) ya POPIA. Kganetšo yeo e hlalošitšwego go karolo ya 11(3) (a) ya POPIA e swanetše go dirwa go Foromo ya C, yeo e kgomareditšwego mo.

7. DITEFELO TŠEO DI LAETŠWEGO LE DIKOKOLO

   1. Go na le mehuta ye mebedi ya ditefelo tšeo di lefelwago go ya ka PAIA go hwetša phihlelelo go direkoto tšeo di swerwego ke SABS, e lego:
      1. tefelo ya kgopelo, yeo e lego tefo ya tlwaelo (R100.00) yeo e swanetšego go lefelwa pele ga ge kgopelo e ka tšwela pele ka tshepedišo; le
      2. tefo ya phihlelelo, e lego tefo yeo e lefelwago go lefela ditshenyegelo tša go nyaka, go lokiša le go ngwalolla rekoto gore e utollwe go mokgopedi.
   2. Lenaneo la ditšhelete tšeo di ka lefelelwago bjalo ka tefo ya phihlelelo le ka gare ga Melawana ya mabapi le Tšwetšopele ya Phihlelelo ya Tshedimošo, 2021 (yeo e phatlaladitšwego ka Kuranteng ya Mmušo 45057 ya 27 Phato 2021).
   3. Ka ntle le go ya ka moo go boletšwego ka gona ka go karolo ya 23 (3) ya POPIA, mokgopedi wa motho ka noši (go ba mokgopedi yo a nyakago phihlelelo ya rekoto yeo e nago le tshedimošo ya motho ka noši ka ga mokgopedi yoo) ga a gapeletšege go lefa bobedi tefo ya kgopelo le tefo ya phihlelelo. Mokgopedi yo mongwe le yo mongwe, yo e sego mokgopedi wa motho ka noši, o swanetše go lefa tefo ya kgopelo le phihlelelo, ka ntle le ge motho yoo a lokologile go lefa tefo ya go swana le ya mokgopedi wa tshedimošo.
   4. Batho ba ba latelago ba lokollwa go lefeng tefišo ya phihlelelo:
      1. mošomi yo a sa nyalwago yoo letseno la gagwe la ngwaga ka ngwaga, ka morago ga dikotlo tše di dumeletšwego tše di boletšwego ka go Maikhutšo le Dihlalošo tša Maikemišetšo a Karolo 22 (8) ya PAIA, 2005 (GN R991 yeo e phatlaladitšwego ka go GG 28107 ya 14 Diphalane 2005) yeo e ntšhitšwego ke Tona ya Toka le Hlabollo ya Molaotheo, ga e fete R14712.00 ka ngwaga; le
      2. motho yo a nyetšego goba motho le molekane wa gagwe wa bophelo bao letseno la bona la ngwaga, ka morago ga dikotlo tše di dumelelwago tše di boletšwego ka go Dikgaogano le Dikgetho tša Maikemišetšo a Karolo 22 ((8) ya PAIA, 2005 (GN R991 yeo e phatlaladitšwego ka go GG 28107 ya 14 Diphalane 2005) yeo e ntšhitšwego ke Tona ya Toka le Hlabollo ya Molaotheo, ga e fete R27 192.00 ka ngwaga.
   5. Ge ditshenyegelo tša go kgoboketša tefišo efe goba efe yeo e akantšwego ka go karolo 22 ya PAIA di feta tšhelete yeo e lefišitšwego, tefišo yeo e ka se dirišwe.
   6. Bobedi tefelo ya kgopelo le tefelo ya phihlelelo ga di šome go rekoto yeo e kgopetšwego ke mohlankedi wa hlokomelo goba monyakišiši wa hlokomelo go ya ka mabaka a nyakišišo ya hlokomelo goba nyakišišo go ya ka dipeakanyetšo tša Molao wa Hlokomelo,1998 (Molao wa Nomoro ya 99 wa 1998) goba melawana yeo e dirilwego go ya ka karolo ya 44 ya Molao woo.

8. DIKAROLO TŠA DITHARABOLLO TŠA MOLAO

   1. SABS ga se setho sa setšhaba seo se boletšwego ka go temana ya (a) ya hlalošo ya setho sa setšhaba; ka go Karolo 1 ya PAIA. Ka gona, SABS ga e na boipiletšo bja ka gare Tshepedišo yeo e lego gona go nolofatša boipiletšo kgahlanong le diphetho tša Mohlankedi wa Tshedimošo goba Motlatša-Mohlankedi wa Tshedimošo. Tshepedišo ya tshekoleswa ya ka gare e šoma fela go dikgoro tša bosetšhaba le tša profense, le mebasepala.
   2. Mokgopedi goba motho wa boraro yo a kgopišitšwego ke sephetho sa Mohlankedi wa Tshedimošo goba Motlatša-Mohlankedi wa Tshedimošo a ka, mo matšatšing a 180 a go latela, dira kgopelo go Kgorotsheko go hwetša kimollo yeo e swanetšego ka morago ga ge mokgopedi goba motho wa boraro a feditše tshepedišo ya dingongorego yeo e boletšwego ka go karolo ya 77A ya PAIA.
   3. Ge e theeleditše kgopelo, Kgorotsheko e ka fa taelo efe goba efe yeo e lokilego le ya tekatekano go akaretšwa:
      1. go tiišetša, go fetola goba go phumola sephetho seo e lego taba ya kgopelo;
      2. go laela Mohlankedi wa Tshedimošo goba Motlatša Mohlankedi wa Tshedimošo go tšea magato goba go se tšee magato ao Kgorotsheko e bonago a nyakega ka gare ga lebaka leo le boletšwego ka go taelo;
      3. go fana ka taelo ya go thibela, ya nakwana goba ya go ikgetha, taelo ya taodišo goba ya hlatswadiatla;
      4. go fa taelo ya ditshenyagalelo; goba
      5. go hlokomologa go se obamele lebaka la matšatši a lekgolo masomeseswai (180) la go tliša kgopelo, ge dikgahlego tša toka di nyaka bjalo.

9. KGATIŠO LE HLAHLOBO YA MANYUALE

   1. SABS e tla, ge go nyakega, mpshafatša le go phatlalatša manyuale wo ngwaga ka ngwaga.
   2. Manyuale wo o tla gatišwa ka dipolelo tše tharo (3) tša semmušo e lego Seisimane, Sezulu le Sepedi.
   3. Khopi ya manyuale ka dipolelo ka moka tše tharo (3) tša semmušo e tla phatlalatšwa mo websaeteng ya SABS’, www.sabs.co.za, ya romelwa go Molaodi wa Tshedimošo ge a kgopelwa, gomme a hwetšagale lefelong le le latelago la peeletšo ya semolao bjalo ka ge go hlalošitšwe ka go karolo 6 ya Molao wa Peeletšo ya Semolao, 1997 (Molao wa Nomoro ya 54 wa 1997):
      1. Ditirelo tša Bokgobapuku bja Toropo, Bloemfontein;
      2. Ditirelo tša Bokgobapuku bja Toropo, Bloemfontein;
      3. Bokgobapuku bja Natal Law Society, Pietermaritzburg;
      4. Bokgobapuku bja Afrika Borwa, Motse Kapa;
      5. Bokgobapuku bja Setšhaba, Pretoria;
      6. Difaele tša kgale tša Setšhaba tša Difilimi, Bidio le Modumo, Pretoria, go ya ka mabaka a dihlopha tše dingwe tša ditokomane go ya ka moo go beilwego; le
      7. bokgobapuku bjo bongwe le bjo bongwe goba sehlongwa seo se laetšwego ke Tona ya Toka le Hlabollo ya Molaotheo go ya ka mabaka a dihlopha tše di beilwego tša ditokomane.
   4. Batho ka moka bao ba nago le kgahlego ba ka ikgokaganya le Motlatša Mohlankedi wa Tshedimošo go hwetša khopi ya manyuale wo wa PAIA goba go hwetša tshedimošo mabapi le sebopego sefe goba sefe sa manyuale.

SABS - SEBOPEGO SA SEHLOPHA SA MOKGAHLO